Գրքույկը ներառում է գեղեցիկ պատկերազարդումներով համեմված քառյակներ, որոնք լսելով, իսկ փոքր-ինչ ավելի ուշ՝ նաև կարդալով, երեխան հնարավորություն կունենա զարգացնելու իր լեզվական կարողություններն ու հմտությունները: Բացի այդ՝ գրքույկին կից հատուկ մարկերի միջոցով նա կկարողանա իր ուժերը փորձել տպագիր տառերի գրության գործում:
Տրամաբանական խնդիրների ժողովածուն կազմված է 5 բաժնից՝ «Բնության հանելուկներ», «Մարդն ու շրջապատը», «Կենդանիներն ու մարդը», «Փորձ և տրամաբանություն», ««Հարցաքննություն» եղանակը»՝ ներառելով հետաքրքրաշարժ շուրջ 250 խնդիր: Խնդիրների մեծ մասը հեղինակային են, ընդ որում՝ առկա են նաև այնպիսիք, որոնք առաջարկել են տարրական դասարանների աշակերտները (նրանց տվյալները նշվում են): Գրքի վերջում առավել դժվար խնդիրների համար տրված են հուշումներ, հույժ անհրաժեշտության դեպքում՝ նաև պատասխաններ:
Այս հեքիաթների օգտագործումը կդարձնի մաթեմատիկայի դասը առավել հաճելի, քան չոր մաթեմատիկական պնդումներ սերտելը: Յուրաքանչյուր հեքիաթից հետո տրվում են հետաքրքրաշարժ հարցեր և առաջադրանքներ, որոնք կօգնեն ավելի լավ յուրացնելուառաջարկվող նյութը:
Հեղինակը՝ գրելով մեզ շրջապատող թռչունների, կենդանիների, մրգերի, ինչպես նաև՝ մարդու մասին, նպատակ ունի երեխաների մեջ սեր և հետաքրքրություն առաջացնել մեզ շրջապատող աշխարհի հանդեպ, զարգացնել նրանց երևակայությունն ու հնարամտություն ձևավորել:
Հեքիաթ գազարագույն զատիկի մասին, որ փնտրում էր իր կորած կետիկները, իսկ փոխարենը գտավ նոր ընկերներ և ընդունեց իրեն այնպես, ինչպես կա։
«Ամպիկը, որ չէր կարողանում անձրևել» գիրքը մի պատմություն է փոքրիկ ամպիկի մասին, որը կորցրել էր իր ավագ ընկերոջը և շատ էր տխրում ու շատ էր կարոտում նրան: