Վիլյամ Սարոյանի «Առակներ» գրքում ներառված են Բիթլիսից եկած իր ազգականների հիշած ուսանելի պատմություններ, ինչպես նաև՝ Կալիֆոռնիայի Ֆրեզնո հայաշատ քաղաքում ապրող ծեր ու մանուկ հայերի հետ պատահած հետաքրքիր դեպքեր: Գիրքն ունի յուրօրինակ կառուցվածք. կենտ (աջ) էջերում տեղադրված են այդ նկութերը բնագրի լեզվով, իսկ զույգ (ձախ) էջերում՝ հայերեն թարգմանությունները, ինչը նաև կօգնի ընթերցողին կատարելագործել անգլերենի իր իմացությունը:
Օրորոցային երգի միջոցով է ստեղծվել ու ամրապնդվել հոգևոր կապը մոր և մանկան միջև։ Օրորոցային երգով են սկզբնավորվել երեխայի գեղարվեստական ընկալումները, որոնք հետագայում ձևավորելու էին նրա հոգեկան կերտվածքը, ուստի անհրաժեշտ ենք համարում օգնել երիտասարդ մայրերին կենցաղ վերադարձնելու մեր հիասքանչ օրորները, որոնք բացի իրենց կիրառական գործառույթից ունեն նաև գեղարվեստական բարձր արժեք։
Գրքում ներառված են հաճախ «ժողովրդական» համարվող, բայց իրականում` մեծանուն բանաստեղծ Հրաչյա Հովհաննիսյանի հեղինակած հայտնի և սիրված երգերի խոսքերը` նոտաներով: Գրքի կազմն ունի AR հավելված` Հրաչյա Հովհաննիսյանի կատարմամբ «Ախչի Մարան» երգը` տեսապատկերով: Նախատեսված է երաժշտասերների և ընթերցողների լայն շրջանակի համար:
