Պաստառն ունի միջին խտություն՝ ներկելու համար, ստեղծագործ միտք ու մեծ սեր, որով առաջնորդվել է նկարիչ Մոնի Հովսեփյանը: Պաստառները զարգացնում են վառ երևակայություն, գունային և էսթետիկ ճաշակ ու թիմային աշխատանք. դուք դրանք կարող եք ամրացնել պատին կամ դնել հատակին՝ ընկերներով կամ ընտանիքի անդամներով գունավորելու համար:
.png&w=400&h=300)
Հրաշալի ձայնային ԲԱԶՄԱՖՈՒՆԿՑԻՈՆԱԼ այբուբեն, որը տառերից բացի, արտասանում է Ժիրայր Ավետիսյանի «Գայանեի դասը» բանաստեղծությունը:
«Տառերի խճանկարը», որը պատրաստվել է հայոց այբուբենի ստեղծման 1600-ամյակի աառթիվ, կօգնի փոքրիկին դպրոց ընդունվելիս: Դասավորելով տառերն ըստ տուփի երեսի նկարի՝ նա կիմանա տառերին համապատասխանող կենդանիների, բույսերի, առարկաների անուններն ու կփորձի կարդալ դրանք:
Գրքույկը ներառում է գեղեցիկ պատկերազարդումներով համեմված քառյակներ, որոնք լսելով, իսկ փոքր-ինչ ավելի ուշ՝ նաև կարդալով, երեխան հնարավորություն կունենա զարգացնելու իր լեզվական կարողություններն ու հմտությունները: Բացի այդ՝ գրքույկին կից հատուկ մարկերի միջոցով նա կկարողանա իր ուժերը փորձել տպագիր տառերի գրության գործում:
Գիրքը հնարավորություն է տալիս երեխաներին զարգացնելու իրենց երևակայությունը, քանի որ չի պարունակում ո՛չ մի առաջադրանք, ո՛չ մի խնդիր, այլ միայն՝ հուշող և ուղղորդող նկարներ: Դրանց միջոցով դուք, կռահելով, կգունավորեք և կնկարեք ձեր ճաշակով, կլրացնեք բաց թողնվածները, համապատասխան տեղերում կփաքցնեք արևի նշաններով գեղեցիկ պիտակները, այլ կերպ ասած՝ կստեղծեք ձեր երևակայական աշխարհը, դրանով իսկ զարգացնելով երևակայական ունակությունները:
Տրամաբանական խնդիրների ժողովածուն կազմված է 5 բաժնից՝ «Բնության հանելուկներ», «Մարդն ու շրջապատը», «Կենդանիներն ու մարդը», «Փորձ և տրամաբանություն», ««Հարցաքննություն» եղանակը»՝ ներառելով հետաքրքրաշարժ շուրջ 250 խնդիր: Խնդիրների մեծ մասը հեղինակային են, ընդ որում՝ առկա են նաև այնպիսիք, որոնք առաջարկել են տարրական դասարանների աշակերտները (նրանց տվյալները նշվում են): Գրքի վերջում առավել դժվար խնդիրների համար տրված են հուշումներ, հույժ անհրաժեշտության դեպքում՝ նաև պատասխաններ:
